البربري التونسي

🐏🐑

اسمها العلمي الباربارين و اسمه العامي عربي و الا نجدي وهي السلالة المحلية الي تتميز بيها تونس منذ القدم.

السلالة هذي كيما سبق و ذكرت موجودة من قديم الزمان في #بلادنا و هذا الي خلاها متأقلمة مع المناخ حيث ان انتاجها ما يتأثرش بتقلب الطقس و صعوبته يعني ما يقلقهاش لا صهد الصيف ولا برد الشتاء . ثم ان قوة قوامها و صلابتها تخول لها المشي في #الجبال و الاحراش و بصعوبة مناطق عيشها و قوة بنيتها كسبت السلالة مناعة و قدرة كبيرة على مقاومة الامراض و الطفيليات الشيء الي جعلها سلالة #اقتصادية بامتياز بالنسبة للمربي.

ومن الخصائص المهمة الاخرى في السلالة هذي هي تكيفها مع #المراعي الفقيرة تنجم تكتفي على الاعشاب الصحراوية و النباتات ذات القيمة الغذائية الضعيفة لتحقيق الانتاج و تحويل الاعلاف الفقيرة الى #بروتينات لحم و هذا بفضل طاقتها ال هضمية الممتازة الشيء الي يخليها سريعة النمو و منتجة درجة اولى في #اللحوم حيث يتراوح وزنها بين 35 الى 50 كغ بالنسبة للاناث البالغة و بين 60 الى 70 كغ بالنسبة للكباش . ثم انها ذات نسبة توأمة جيدة تقدر تقريبا باكثر 180 صغير لكل 100 نعجة منتجة و ترتفع النسبة مع تحسن الظروف . و بمعدل بطنين في كل 14 شهر .

ايضا السلالة هذي متكيفة مع كل طرق الانتاج يعني تتربى على #السروح في مراعي فقيرة خاصة في فصل الصيف و سنوات الجفاف والا في المراعي الغنية موسم #الربيع و السنوات المطيرة والا مربوطة في كوري لكن هذا ما يمنعش ضرورة الرعي خاصة في موسم العشب الي يحتوي على عناصر غذائية مهمة و مكملات ضرورية لتحقيق الانتاج و اضافة جودة للمنتوج و الرعي من حين لاخر راهو مهم لكل #السلالات .

زيادة على ذلك لحومها تمتاز بمذاق #ممتاز بشهادة المستهلكين لكن البعض يقول الي لحمها يحتوي على نسبة كبيرة من الدهنيات لكن في الحقيقة لحم سلالة النجدي اقل نسبة شحوم بين كل السلالات لانها تخزن شحومها في ذيلها الدهني #اللية الي هي مخزن دهون طاقية يتكون مع تحسن النظام الغذائي في سنوات الممطرة يغذيها في سنوات الجفاف, وهذي من العوامل الي تخلي انتاجها غير متذبذب مع الظروف , على عكس بقية السلالات الي تخزن الشحوم بين طيات و الياف اللحم و الدهنيات حاليا اصبحت من العوامل المنفرة #للمستهلك .

بالتوازي مع انتاج اللحوم النعجة العربي عندها قدرة ممتازة على ادرار #الحليب ذو القيمة الغذائية العالية يعني تنجم تشبع صغارها و توصلهم لمرحلة الفطام في صحة جيدة و تفضل خاصة مع توفر الاعلاف البروتينية و الا الاعشاب الغنية . كما كان حليب #النعجة جزء لا يتجزء مع الثقافة الغذائية في تونس لكن الاستهلاك تقلص لكن افاق تحويل البان الغنم كبرت و هنا انجمو نستغلو الخاصية هذي في ادخال عادة غذائية جديدة و فتح اسواق استهلاكية جديدة .
كيف كيف مع انتاج #الصوف الي انجمو انثمنوه الى صناعات تحويلية جديدة بالعلم ان صوف النجدي من اجود انواع الصوف في العالم .

كما نلاحظ تنوع كبير فيها فانواعها و اسماءها تختلف باختلاف مناطقها و اشكالها مثلا العربي متاع الساحلي اسمه #ساحلي صوفه خفيف و عديم القرون و اغلبيته احمر الرأس و حجم اللية اكبر بينما عربي الشمال اسمو #الشلفي صوفه غزير و خشين و تقريبا عديم القرون ملون برأس اسود غالبا ولا بجسم اسود كلو بينما عربي الجنوب اسمه #العرضاوي اطول من بقية الاصناف و صوفه اخشن و يعمل القرون و فيه تنوع كبير في الالوان .

هذه السلالة منتشرة في 35 ولاية أمريكية وتحمل اسم تونس .. ما القصة ؟

سلالة (Tunis Sheep) أو l’American Tunis تعرف أيضا بالبربري التونسي من أشهر أنواع الخرفان وأطيبها لحما ومذاقا، منتشرة اليوم في حوالي 35 ولاية أمريكية واستراليا وإفريقيا الجنوبية وفق ما اكدته جمعية الفلاحين التونسيين للتوجيه والتنمية .
لكن لماذا تحمل اسم تونس؟

القصّة هي أنّ باي تونس حمودة باشا أرسل إلى جورج واشنطن عشرة اغنام كهدية إثر توقيع اتفاقية تعاون بين تونس والولايات المتحدة.
وصل القطيع إلى أمريكا سنة 1799 ميلادي، وتمّ نشره في الكثير من الولايات الأمريكية..
اليوم يعتبر هذا الخروف من أطيب الخرفان وتمّ تصنيفه سنة 1992 من طرف منظمات أمريكية كسلالة يجب الحفاظ عليها من حيث أصالتها وخصوصيتها ويتفاخر عديد الفلاحين الأمريكيين بتربيته.

الصورة للغنم البربري بأمريكا..